كيف تمشى الرجل على مزاجك

**سلوم ابودقة** · 09:15 AM

عزيزتي كيف تمشين زوجك على كيف كيفيك ؟؟

1-في اول ليله زواج وريه العين الحمراء خليه يسكنك في افخم اوتيل واطلبي كل الاكل حتى

لو ما اكلتي بس نجاسه من اول يوم خسريه طبعا بقولك انتي تامرين امر وهو وده يذبحك ...
واذا طلبتي الاكل وجابه لك قولي انا ما احب هذا ابي شيء ثاني استقعدي له ..

2-نصيحه لاتستحين ترى الحياء ما منه فايده بعدين يصير يستقوي عليك ..اذا قال كلمه ردي عليه بعشر.

3-الحين نجي للسفر اذا سافرتي شري هدايا لاهلك كلهم فردا فردا لاتنسين احد وقولي هذا طبع عندنا

خليه يعرف انك بنت عز <<<<<<<<ولو انك خرطي ..

4-خليه يجيب لك شغاله وسواق ولا تبينه يخليك تنفخين فهالبيت ؟؟ بعدين روحي للسوق ودوجي

ودوري لين تقولين بس ..

5- فاتورة جوالك اذا كان عندك جوال سابقا حولي البريد عليه وسعي صدرك كلمي كل اللي تبين

حتى لو اهلك اول شارطين عليك شروط انا الفاتوره ما تتعدى سعر معين انت ما عليك منه

خليه تصك الاف..<<<<<<<<عشان تتصفقين ..

6- تدلعي عليه وقولي انا ما اعرف اطبخ تبي تاكل خل الشغاله تسوي ولا جب من مطعم .

وتدرين وش اخرتها <<<<<<< بيعرس على الشغاله

7-اعزمي صديقاتك واهلك عندك دائما ومدي لهم سفره من هنا لهناك وعلى حسابه ..

لاترحمينه ابدا ترى الدلع ما ينفع .<<<..... عادي امسحيها بس اعزمي
.

8- خليه يفتح لك حساب في البنك ويحط مصروف شهري خاص فيك ما تصرفين الا على نفسك

المصروف لايقل عن 5000 ريال حتى لو كنتي موظفه ...وسعي صدرك الدنيا فانيه وانا أخوك
..

9- دائما الفي عليه كلام وقولي فلانه ماشاء الله على زوجها توه جايب لها ساعه الماس تجنن

وعلانه جايب لها طقم وانا بعد ابي مثلهم <<<<<<<قايلتك بتصفقين ..

10- كل صيفيه خليه يسفرك قولي انا متعوده اسافر حتى لو ما قد طلعتي برا ديرتك ..

و ترى العود من اول ركزه وانا أخوك..

11- لاتطيعينه شوري عليك <<<<ابوك يالنصيحه .. ترى الرجال اذا شاف زوجته

بس تقول سم ولا تم يتضايق هم يحبون شويه اكشن <<<<<<<< حلوه اكشن ..

12-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن

انه يكون يوم الخميس والسهر لين وحده بالليل بس ..

13-ازعلي وقبي عليه اذا ما نفذ لك طلب ودموع التماسيح الله الله فيها تراها تفيد احياناً..

14- لاقد تمدحين وحده عنده بيصير يسالك عنها واذا قالك وشلون فلانه قولي موشغلك

وحطي اصابعك في عيونه تعرفين ما ينعطون وجه ..

ملاحظه#
حطي النصائح حلقه في اذينك <<<<جعلها تقطع ..

اخوك سلوم ابودقة

**فراشة الربيع** · 08-10-2007, 06:05 PM

اذا عملت كل هادا
والله بطلقني من ليله العرس

تحياتي الك سلوم

**الوعي اللإرادي** · 08-11-2007, 03:21 PM

هههههههههههههههههههههههه

تحياتي

**ساحره ليالي العالم** · 08-11-2007, 05:55 PM

هههههههههههههه

عز النبي رحنا فيها ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

كيف تمشى الرجل على مزاجك

بلا قيود العام