كيفيكة تركيب منتدى على سيرفر محلي

**بحر الاحزان** · 08-31-2007, 11:09 AM

بسم الله الرحمن الرحيم ..

كيفية تركيب منتدى vb على سيرفر محلي

الطريقة سهلة جدا وتتطلب برنامجين فقط :

1- برنامج سيرفر الاباتشي : وتقدر تنزل الاصدار الاخير من اقلاع سوفت من هذا الرابط
http://puzzle.dl.sourceforge.net/sou...in32-2.4.0.exe

2- اي اصدار تبيه من برنامج المنتدى: وطب وتخير اي اصدار تبي من خلال هالرابط
http://soft.vip600.com/modules.php?n...ownload&cid=38

---------------------------------------

(¯`·._) ( الطريقة والشرح ) (¯`·._)

بعد ما تنزل برنامج الاباتشي و تنتهي من تنصيبه في جهازك .. تشغله من قائمة ابدأ :

start >> programs >> AppServ >> WinMySQLAdmin

بيطلع لك مربع الحوار هذا .

اتركه "تقريبا خمس ثواني" ثم بينزل تحت على شكل اشارة ..

بعد كذا لازم تشغل برنامج قاعدة البيانات "من نفس البرنامج" .. وهي من قائمة ابدأ :

start >> programs >> AppServ >> Apache Control Server<<Start

تبي تجيك موجة الاوامر "DOS" خمس ثواني وبتختفي

----------------------------

هالحين شغلنا السيرفر وانتهينا منه وصار عندنا في الجهاز موقع وعنوانه http://localhost

وجميع ملفات اللي على السيرفر المحلي بتكون داخل مجلد www الموجود هنا
C:AppServwww

بمعنى آخر للناس الأذكياء .. تبي ترفع ملفاتك للسيرفر المحلي تحطها هنا C:AppServwww

-------------------------------

بعد ما انتهينا من تشغيل السيرفر المحلي .. نجي لطريقة تركيب منتدى الفي بي على السيرفر المحلي

طبعا بعد ما نقيت واحد من اصدارات منتدى الفي بي من الرابط اللي فوق ..

يبي يجيك على شكل ملف مضغوط ..
فك الضغط

بيجيك مجلد وداخل هذا المجلد كم ملف PHP وتقريبا ثلاث مجلدات
Admin , Image , mod

والمجلد اللي يحتوي على هالمجلدات ( Admin , Image , mod )

اعد تسميته الى vb .. ثم انسخه والصقه في السيرفر المحلي واللي كما ذكرنا بيكون هنا

C:AppServwww

((( تلصقه داخل المجلد www )))

الآن افتح المتصفح وادخل على الرابط التالي :
http://localhost/vb/admin/install.php

" طبعا لازم تكون قاطع الاتصال بالانترنت "

وتابع معي هالخطوات وليّاك تنسى أو تخربط في وحدة منها ترى بيخرب عليك

الخطوة الأولى : بعد ما دخلت على الرابط السابق .. بتجيك هالصفحة

الخطوة الثانية : اتبع التعليمات كما في الصورة التالية

الخطوة الثالثة : في هالخطوة يخيرك ان كانك تبي تفرغ قاعدة البيانات ولا لأ ؟؟

طبعا قاعدة البيانات تونا منشأينها يعني جديدة ما فيها شي

يتبع

**بحر الاحزان** · 08-31-2007, 11:14 AM

وبكيفك تبي تضغط اي واحد منهم انت حر كلها سوا ..

اللهم انك ان اخترت افراغ تبي تجيك صفحة تقول هل انت متأكد ؟ وقل له ايه

الخطوة الرابعة والخامسة والسادسة :

هالخطوات كل اللي عليك تسويه انك تضغّط نكست ..

يعني الصور ما فيها لا شرح ولا هم يحزنون ..

لذلك وعشان ما تثقل الصفحة اكتفيت بوضع روابط للصور للي وده يشوفها
الخطوة الرابعة
الخطوة الخامسة
الخطوة السادسة
الخطوة السابعة : املأ البيانات المطلوبة وحطها زي ما تبي

الخطوة الثامنة : بتجيك صفحة ما عليك الا تضغط Next

الخطوة التاسعة : هذا يقول لك اكتب اسم الادمن او مدير الموقع وكلمة السر والايميل

الخطوة العاشرة : الحين يقول لك "ولدواعي امنية" رح احذف ملف الـ "install"

الموجود في مجلد الادمن في ها المسار
C:AppServwwwvbadmin

ولا تحاول تعطيه على قد عقله وتجحده ... ترى مهوب مكمل الين تحذفه

الخطوة الحادية عشر : الحين المنتدى ركب خلاص سجل دخول هالحين عشان تدخل على الكنترول بانل حق المنتدى

وطبعا تدخل باليوزر اللي توك حاطه في الخطوة التاسعة

يتبـــــــــــــع

**بحر الاحزان** · 08-31-2007, 11:20 AM

واخيرا ..... ركب المنتدى خلاص وهذا الكنترول بانل

وهذا المنتدى

وتقدر تدخل عليه زيه زي اي منتدى موجود على النت من هالرابط :

http://localhost/vb

وفي الختام أرجوا ان ينال الدرس إعجابكم ورضاكم

وتقبلوا مني أرق التحيات

بحر الاحزان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

كيفيكة تركيب منتدى على سيرفر محلي

إدآرهـ وَ تطويـر المـوآقـع